Ish-basketbollistja Nora Minga (Goxhi), “Medalje e Artë”

Nora Goxhi, bashkëshortja Arben Mingës, ka lindur në Tiranë më 8 shkurt 1965 dhe ka kryer studimet € larta në ILKF Vojo Kushi.

Si “mësuese e edukimit fizik”, ajo punoi në shkolla të Tiranës, ku është dalluar për treguesit e arritur në këtë detyrë. Për kater vjet radhazi (1998-2001) ishte punonjëse shkencore per sportet me dorë në sektorin shkencor te fizkulturës.

Më pas, ajo punon dhe jeton familjarisht në Kanada.

Sportin e basketbollit, me të cilin bëri emër, e ushtroi në mënyrë të organizuar në klasat sportive. Shumë shpejt, ajo shkëlqeu mes moshatareve të saj dhe, për këtë, përfshihet në ekipin e të rejave të Tiranës për tu bërë më vonë një nga basketbollistet më të mira dhe më të njohura të aktiviteteve tona.

Në sajë të konstruktit fizik, prirjeve, talentit dhe punës pasionante të saj, ajo radhitet në moshë shumë të re në ekipin e basketbollit të të rriturave të KS “17 Nëntori”, në të cilin mjaft shpejt bëhet titullare e pesëshes së parë.

Si lojtare shtatlartë e qendrës, ka qenë nga më të mirat e skuadrës dhe të të gjithë vendit për shënimin e pikëve. Përfshirë edhe kontributin e saj të çmueshëm, ekipi i femrave i KS ”17 Nëntori”, gjatë 20 viteve të pjesëmarrjes së Norës, fitoi mbi 15 kampionate kombëtare si dhe mjaft kupa të Shqipërisë.

Nga karakteristikat kryesore të Norës mbetet fakti se ajo shquhej për mobilizimin të plotë dhe vlerësimin e çdo ndeshje. Me shembullin e saj, jepte forcë morale dhe shpirt gare për fitore. Media
vendase dhe specialistët e basketbollit kanë nxjerrë në pah dukuritë pozitive tekniko-profesionale dhe edukatën sportive e qytetare të Norës.

Disa herë ajo është cilësuar basketbollistja më e mirë e vitit.

Për një kohë të gjatë ka qenë pjestare e ekipit kombëtar me të cilin, brenda dhe jashtë vendit , ka zhvilluar mbi 60 takime ndërkombëtare.

Duke mbajtur peshë në të gjitha aktivitetet ballkanike, europiane, mesdhetare etj, ku ajo ka marrë pjesë, veçon dhe ndjen kënaqësi sidomos për Lojrat Mesdhetare të zhvilluara në Siri,në të cilat ekipi ynë u shpall kampion dhe fitoi medaljet e arta.

Për meritat e saj Nora është dekoruar me Urdhërin “Naim Frashëri” të klasit të 3-të.

Burimi informacionit: Shoqata Tirana, “Tirana Personalitete” (SPORT), Shyqyri Rreli, Ismail Demneri, faqe 312.

Burimi fotove: huazuar nga profili i znj. Nora Minga Goxhi.